Kurti në përvjetorin e Kushtetutës së Kaçanikut: Me krenari kujtojmë ata që vunë themelet e shtetësisë

Kurti në përvjetorin e Kushtetutës së Kaçanikut: Me krenari kujtojmë ata që vunë themelet e shtetësisë

Kryeministri i Kosovës, Albin Kurti përkujtoi sot 7 shtatorin ditën e miratimit të Kushtetutës së Kaçanikut në vitin 1990.

Me këtë rast Kurti publikoi preambulën e Kushtetutës.

“Duke u nisur nga përcaktimi se vullneti i popullit është baza e pushtetit shtetëror, vullnet të cilin ai e ka shprehur në mënyrë plebishitare për vetëpërcaktimin e subjektivitetit të tij politik-juridik;

Duke garantuar të drejta të plota të njeriut dhe të qytetarit për të gjithë qytetarët, Kombi Shqiptar i Republikës së Kosovës në pajtim të plotë me parimet e demokracisë dhe të barazisë dhe në bazë të së drejtës për vetëvendosje deri në shkëputje dhe duke u bazuar në Deklaratën e Pavarësisë së 2 korrikut 1990, Kuvendi i Kosovës nxjerr Kushtetutën”, shkroi ai.

Kryeministri tha se bi këto parime fisnike të përmendura në preambulë, akademikët më të shquar të fushës së ligjit e të së drejtës, hartuan Kushtetutën e Kaçanikut.

“Në kushte pushtimi e okupimi, më 7 shtator 1990, delegatët e Kuvendit të Kosovës, në Kaçanik miratuan Kushtetutën e Republikës së Kosovës. Në përvjetorin e Kushtetutës së Kaçanikut me krenari e respekt kujtojmë dijetarët-përfaqësues dhe deputetët-aktivistë, të cilët me vizionin dhe guximin e pashembullt vunë themelet e shtetësisë së Republikës së Kosovës”përfundoi ai.